Упатство за поднесување данок во УЈП

После долго пребарување по сајтовите на УЈП, читање на долгите бескорисни пдф упатства, прашување по пријатели успеав да дознаам како е постапката за плаќање данок за интелектуални услуги. Решив да ја документирам па се надевам ќе му помогне на некој.

Disclaimer: Ова не е официјален водич од УЈП и не одговарам во случај на некакви проблеми.

1. https://e-pdd.ujp.gov.mk/ppf/home.seam
2. Клик на Е-ППД

3. Внес на лични податоци во Податоци за подносител ➡️ Клик на Сними податоци за подносител

4. Нова Аконтативна пресметка ️

• Внес на лични податоци
• Внес на Од датум и До датум (датумот на трансакцијата)
• Клик на Сними податоци за подносител
• Клик на Нова Ставка

• Избор на држава од каде е приливот на средствата: Држава во која е резидент исплатувачот
• Избор на Вид на доход ➡️ на пр: T1 Доход од работа
• Избор на Подвид на доход ➡️ на пр: S1.15 Примања по основ на извршени интелектуални услуги
• Избор на Валута
• Пополнување на Доход во странска валута (износот од трансакцијата)
• Клик на Сними ставка
• Клик на линкот за документи во Прилози

• Доказ за приход — Образец 743 може да се земе во банка на шалтер
• Прикачување Доказ за остварен приход во странство

• Прикачување на Договор со клиентот
• По успешно прикачување Клик на Назад
• Клик на Затвори пресметка
• На вашиот маил е испратен пин код за потврдување на пресметката. Внесете го пин кодот!
• Клик Назад и проверка на статусот во Листа на пресметки

• Откако ќе биде проверена сметката од УЈП (обично за неколку денови) поминува од статус За проверка во статус Прифатена.
• Готовата рекапитулација е пристигната и на вашиот емаил
• При преглед на Прифатена пресметка клик на Печати рекапитулација
• Резултира со ПДФ документ во нов таб со податоци за поднесокот и УПЛАТНИЦА на втората страна од документот
• Уплатницата има фолио број со кој се извршува плаќањето
• По неколку дена проверка во систем дека статусот се сменил во Платена